ინტერნეტ მაუწყებლობა

თანამედროვე მსოფლიოში ინტერნეტ მაუწყებლობა ძალიან პოპულარულია. იმასაც კი ამბობენ ინტერნეტმა ტელევიზიების რეიტინგი ძალიან შეამცირაო. მომხმარებელს აღარ სჭირდება  ელოდოს ამა თუ იმ გადაცემს, მას ნებისიმერ დროს და ადგილას შეუძლია ინტერნეტის საშუალებით უყუროს მისთვის საინტერესო პროგრამას. ამის მაგალითია, ქართული საიტი tvali.ge, რომლის მეშვეობითაც მაყურებელს შეუძლია უყუროს სასურველ გადაცემას სადაც უნდა, როცა უნდა და რამდენჯერაც უნდა, ინტერნეტ მაუწყებლობის დადებითი მხარეა ისიც, რომ მომხმარებელს შეუძლია დრო არ დაკარგოს რეკლამის ყურებაზე, მაშინ, როდესაც ტელევიზიაში ყველაზე დიდი დრო სწორედ რეკლამას უჭირავს და მომხმარებელს ხშიარდ ეზარება რეკლამის დიდიხანს ყურება და ამა თუ იმ გადაცემისა და პროგრამის ყურების სურვილსაც კარგავს. პირადად მე, ინტერნეტ მაუწყებლობას ძალიან ხშირად ვიყენებ, ხშირად ხდება ისე, რომ რომელიმე კონკრეტული გადაცემის ყურებას ვერ ვახერხებ და იმისათვის, რომ არ გამოვტოვო ჩემთვის საინტერესო პროგრამა ინტერნეტ მაუწყებლობას ვიყენებ. 

დღესდღეობით მსოფლიოში ყველაზე პოპულარული ინტერნეტ მაუწყებლობაა youtube.com, ეს არის საიტი, რომელსაც მსოფლიოში ყოველდღიურად უამრავი ადამიანი იყენებს. youtube  არის ვიდეო ვებ-გვერდი, სადაც მომხმარებლებს შეუძლიათ ატვირთონ და გაუზიარონ ერთმანეთს ვიდეოკლიპები. youtube-ის საშუალებით მომხმარებელს შეუძლია ნახოს ნებისიმერი ვიდეო, მუსიკალური კლიპი, ფილმი თუ სხვადასხვა ვიდეომასალა. 

Google-ის კიდევ ერთი სერვისია livestream, ეს არის ახალი ინტერნეტ მაუწყებლობა, რომელიც კარგად ითვასებს ტელევიზიის ფუნქციებს. ამ სერვისის საშუალებით  ნებისმიერ ადამიანს შეუძლია პირდაპირ ეთერში გადაიღოს და ინტერნეტის საშულაებით გაავრცელოს მის გარშემო მიმდინარე მოვლენები, ასევე ნებისმიერ ადამიანს შეუძლია პირდაპირ ეთერში უყუროს ნებისმიერ მოვლენას, მაგალითად ვერ მოახერხე ამა თუ იმ პრესკონფერენციაზე წასვლა და მას შეუძლია, რომ ნებისმიერი ადგილიდან უყურო კონფერენციას. 

ინტერნეტ მაუწყებლობა, როგორც უკვე აღვნიშნე საამაოდ არის განვითარებული და სავარაუდუოა, რომ მომავალში კიდევ უფრო განვითარდება.  

ვიკიპედია

ამბობენ, ინფორმაცია ძალააო. დღესდღეობით ინფორმაციის საუკეთესო წყაროს ინტერნეტი წარმოადგენს. არ არსებოს საკითხი, რომლის შესახებაც ინტერნეტის საშუალებით ვერ მოიპოვო ინფორმაცია. ამ მხრივ განსაკუთრებით ცნობილია ვიკიპედია, თავისუფალი ენციკლოპედია. იქნება ეს ცნობილი ადამიანი, ისტორიული მოვლენა, რაიმე სიტყვის განმარტება თუ სხვა, მომხამრებელს ზემოთ ხსენებული საიტის დახმარებით შეუძლია გაეცნოს სრულყოფილ ინფორმაციას.
მსოფლიოში ყოველდღიურად ვიკიპედიით უმარავი ადამიანი სარგებლოს, მათ შორის მეც. მჭირდება ინფორმაცია, შევდივარ აღნიშნულ საიტზე, სპეციალურ ადგილას ვწერ ჩემთვის საინტერესო  სიტყვას ან სიტყვათა კომბინაციას და სულ რამდენიმე წამში ვიღებ ჩემთვის საინტერესო ინფორმაციას.
ვიკიპედია შეიქმნა 2001 წლის 15 იანვარს, როგორც ინგლისურენოვანი პროექტი ონლაინ-ენციკლოპედიისა, რომელშიც ნებისმიერ ადამიანს შეუძლია შეიტანოს ცვლილებები და დამატებები.

 ვიკიპედია შეიქმნა 2001 წლის 15 იანვარს, როგორც ინგლისურენოვანი პროექტი ონლაინ-ენციკლოპედიისა, რომელშიც ნებისმიერ ადამიანს შეუძლი

Google-ის სერვისები

Google 1996 წელს დაარსდა ამერიკაში, დღესდღეობით იგი მსოფლიოში ყველაზე პოპულარული საძიოებო სისტემაა. გარდა ინფორმაციის მოძიებისა, Google-ს უამრავი სხვა სერვისიცაა აქვს. პირადად მე ყველაზე ხშირად ვიყენებ Google Chrome -ს,Google Translate-ს,Google Gmail-ს, არის კიდევ ბევრი სერვისი, რაც არა ერთხელ გამომიყენებია, მაგრამ სისტემატიურად ზემოთ ხსენებულ სერვისებს ვიყენებ.  Google-ს ასევე აქვს შემდეგი ფუნქციები: Google Group, Google Analytics, Google Maps, Google Earth, Google Video, Google Docs და სხვ. 

Google Chrome - ეს არის ბროუზერი, რომელსაც მილიონობით ადამიანი იყენებს.

Google Translate - ეს პროგრამა ნებიმიერი ენიდან ახდენს თარგმანს, თუმცა აქვე ისიც მინდა აღვნიშნო, რომ ეს სერვისი საქართველოში არც ისე კარგადაა განვითარებული, რადგან სრულყოფილად ვერ თარგმნის, მაგალითად ინგლისური ენიდან ქართულზე. 

Google Docs - ეს არის საკმაოდ გამოსადეგი პროგრამა, რადგამ მას აქვს Microsoft office-ის ფუნქციები და მისი გამოყენება შესაძლებელია online რეჯიმში. 

Google Earth-ისა და Google map-ის მეშვეობით შესაძლებელია მსოფლიოს ნებისმიერი წერტილის მოზებნა და აქვს კიდევ უამრავი ფუნქცია. 

რაც შეეხება Google Analytics, როგორც წინა ბლოგში აღვნიშნე, არის უფასო სერვისი, რომელიც გვტავაზობს საიტის სრულ ანალიზს მომხმარებლის აქტიურობის შესახებ. 

Google Analytics

XXI საუკუნეში ინტერნეტის მოხმარებამ პიკს მიაღწია. არცერთი საქმიანობა აღარ ხორციელედება ინტერნეტის გარეშე. იქმნება უამრავი საიტები, მათ შორის, ინტერნეტ გაზეთები, ჟურნალები, ბლოგები და სხვ. როდესაც ინტერნეტზე და საიტებზე ვსაუბრობთ აუცილებლად უნდა ვთქვათ ისიც, რომ ნებისმიერი ვებ-გვერდის შემქმნელს აინტერსებს რამდენი მნახველი ჰყავდა საიტს, რომელი ქვეყნიდან, რამდენი დრო დაჰყო საიტზე და სხვა ამგვარი საკითხები. 

საიტის ანალიზისთვის დღეს-დღეობით მიმაჩნია, რომ საკუეთესო სერვისი  Google-ის მიერ წარმოებული Google Analytics-ია. Google Analytics არის უფასო სერვისი, რომელიც გვთავაზობს საიტის სრულ ანალიზს მომხმარებლის აქტიურობის შესახებ, გარდა იმისა, რომ ამ სერვისის მეშვეობით გავიგებთ როგორი პოპულარობით სარგებლობს ესა თუ ის საიტი მნახველებში, ასევე ვიხილავთ სტატისტიკის გრაფიკებს, ეს საშუალებას იძლევა შევადაროთ ჩვენი საიტის  ამჟამინდელი და ადრინდელი მდგომარეობა. 

პირადად მე მაქვს საკუთარი ბლოგი და Google Analytics-ის მეშვეობით ვიგებ, რამდენი მნახლეი ჰყავს ჩემს ბლოგს, გაიზარდა თუ არა მნახველების რაოდენობა და სხვა. 

ქართული საიტები

სახლში მარტო ვარ, ტელევიზორშიც არაფერია საინტერესო, ინტენეტით მეგობრებთან ლაპარაკიც მომბეზრდა, მოკლედ მოწყენილი ვარ და გადავწყვიტე რაიმე საინტერესო ფილმს ვუყურო.  არჩევანი ქართულ საიტზე შევაჩერე, კონკრეტულად allmovies.ge-ზე, რადგან ყველაზე ხშირად სწორედ ამ საიტიდან ვიწერ ფილმებს. თუმცა ისიც უნდა ითქვას, რომ საქართველოში არც ისე ბევრი საიტია, საიდანაც ლიცენზირებული ფილმის გადმოწერაა შესაძლებელი, თუმცა რამდენიმეს მაინც ჩამოვთვლი: avoe.ge, bude.ge, gol.ge და სხვ. მართალია allmovies.ge-ზე ხარისხიანი და ლიცენზირებული ფილმების შერჩევა ნაკლებადაა შესაძლებელი, მაგრამ ზემოთ ხსენებული საიტი ფილმების მრავალფეროვნებით გამოირჩევა. სიმართლე, რომ ვთქვა, როდესაც ფილმის ყურება მსურს, ყურადღებას ვაქცევ არა იმას ლიცენზირებულია თუ არა იგი, არამედ იმას, რომ ახალი ფილმი ყოველგვარი ხარჯებისა და სახლიდან გასვლის გარეშე ვნახო. მნიშვნელოვანია ისიც, რომ ფილმის ყურება online რეჟიმშია შესაძლებელი. შეხვალ საიტზე, შეარჩევ სასურველ ფილმის, და ღილაკზე ერთი დაჭერით, ყოველგვარი ძალისხმევის გარეშე შესაძლებელია იმ ფილმების ყურება, რომელთაც პრემიერა სულ ახალი შემდგარია.

მომხმარებლებისთვის ასეთი საიტის არსებობა, რა თქმა უნდა, ძალიან კარგია და მრავალი დადებითი მხარე აქვს, მაგრამ ამავდროულად მნიშვნელოვანია ისიც, რომ ასეთი გზით ხდება ფილმების არალიცენზირებულად მოხმარება, რაც დანაშაულია თავად ფილმების მწარმოებლების მიმართ, კერძოდ, ისინი კარგავენ შემოსავალს, მაგალითად ასეთი შემთხვევა მოხდა სულ რამდენიმე ხნის წინ, როდესაც მსგავს საიტებზე დაიდო ქართული ფილმი "გაღმა ნაპირი" და რასაკვირველია, მაყურებლების უმრავლესობამ იმის ნაცვლად, რომ  კინოთეატრებში წასულიყვნენ, საიტების მეშვეობით ყოველგვარი ხარჯების გარეშე ნახეს ფილმი. ამან კი სერიოზული ზიანი მიაყენა ფილმის შემოქმედებით ჯგუფს, მათ ვერ შეძლეს დახარჯული ხარჯების "ამოღება".
როდესაც ამ საკითხზე ვსაუბრობთ, აუცილებლად უნდა ვახსენოთ ისიც, რომ ახლო მომავალში შეიქმნება ორგანიზაცია, რომელიც გააკონტროლებს ამგვარ ფაქტებს, კერძოდ ფილმებისა და მუსიკების გადმოწერა ფასიანი გახდება, ხოლო "მოპარვის" შემთხვევაში მომხმარებელი დაისჯება. ეს პროექტი მალე განხორციელდება და ვნახოთ, როგორ განვითარდება, გაამართლებს თუ არა.

საძიებო სისტემები

XI საუკუნეში კომპიუტერი და ინტერნეტი თანამედროვე საზოგადოების განუყოფელი ნაწილი გახდა. უმთავრესი მიზეზი, რის გამოც ინტერნეტი განსაკუთრებით აქტუალური გახდა, ეს არის საზოგადოების ინფორმირება, უფრო კონკრეტულად, რომ ვთქვათ, ინტენეტი ინფორმაციის მოძიების საუკეთესო საშუალებაა.

დღესდღეობით ინტენეტ სივრცეში უამრავი საძიებო სისტემა არსებობს. საძიებო სისტემა არის ვებ საიტი, რომლის დანიშნულებაცაა ინტერნეტში ინფორმაციის მოძიება. ძიება უმეტეს შემთხვევაში ხორციელდება მსოფლიოს ფართო ქსელში. პირველი საძიებო სისტემა იყო "Wandex". დღეისათვის იგი აღარ არსებობს. 

როგორც ზემოთ აღვნიშნე, უამრავი საძიებო სისტემა არსებობს, მაგრამ პირადად მე გამოვარჩევდი Google-ს. Google-ის მეშვეობით ყველა საჭირო ინფორმაციის მოძიებაა შესაძლებელი. მის რეიტინგსაც სწორედ ის განაპირობებს, რომ ყოველდღიურად Google-ის დახმარებით მსოფლიოს ნებისმიერი კუთხიდანაა შესაძლებელი ინფორმაციის სწრაფად და სრულყოფილად მოძიება. 

ამავდროულად,  Google-ის მოხმარება ძალიან მარტივია, მომხმარებელს შეუძლია შევიდეს Google-ზე, შემდეგ შესაბამის ადგილას ჩაწეროს მისთვის საჭირო ინფორმაციის შემცველ წინადადებას ან სიტყვას და ძალიან მალე, სულ რამდენიმე წამში, პროგრამა ეკრანზე გამოიტანს საჭირო საიტებსა თუ დოკუმენტებს, სურათებსა და ვიდეოებს.

როდესაც Google-ძე ვსაუბრობთ, აუცილებლად უნდა ვახსენოთ მისი სხვადსხვა ფუნქციები, მაგალითად, Google Chrome-ერთ-ერთი ბრაუზერი, Google Gmail - უფასო ელექტრონული ფოსტა, Google Video - საიდანაც შესაძლებელია ვიდეოების ატვირთვა და გადმოტვირთვა და სხვ. 

ქართული შრიფტები

შრიფტი  _ ასო-ნიშანთა მოხაზულობის გრაფიკული გამოსახულება, რომელიც ერთიანი სტილისტური და კომპოზიციური სისტემის ნაწილს შეადგენს. შრიფტი ძირითადად შედგება ანბანის ასოების, ციფრებისა და პუნქტუაციური ნიშნებისგან. შრიფტი შეიძლება ასევე შეიცავდეს იდეოგრამებსა და სიმბოლოებს.

კლავიატურის დრაივერი შეიცავს ცხრილს რომელიც განსაზღვრავს თუ რომელ კლავიშზე რა სიმბოლოა განლაგებული ხოლო შრიფტი შეიცავს ცხრილს რომელიც განსაზღვრავს სიმბოლოს შესაბამის გამოსახულებას.

დღეისათვის ქართული შრიფტები შეგვიძლია პირობითად დავყოთ 3 ძირითად ტიპად - 1) არაალტერნატიული შრიფტები, 2) ალტერნატიული 8 ბიტიანი შრიფტები, 3) უნიკოდ შრიფტები;

არაალტერნატიული შრიფტში ქართული ასოები არის ინგლისური ასების მაგივრად და შესაბამისად ეს შრიფტი შეიცავს მხოლოდ ერთი ენის - ქართულის შესაბამის ასოებს და სიმბოლოებს. ამ შრიფტის დადებითი მხარე არის ის რომ მის გამოყენებას არ ჭირდება არანაერი ენობრივი მხარდაჭერა, იქ სადაც მუშაობს ინგლისური შრიფტი, იმუშავებს არაალტერნატიულიც, თუმცა ამ შრიფტს გააჩნია უარყოფითი მხარეებიც, კერძოდ, შეუძლებელია ამ შრიფტით ერთდორულად ლათინური და ქართული სიმბოლოების გამოყენება, ასევე შეუძლებელია ასეთ ტექსტში სრულყოფილი ძებნის და სორტირების გამოყენება, იმის გამო რომ ინგლისური დიდი და პატარა ასოები ძებნისას განიხილება როგორც იდენტური; არალტერნატიული შრიფტების მაგალითებია აკადნუსხური და სხვ. 

ალტერნატიულ შრიფტების უმეტესობა იყენებს კოდირებას GESCII რომელიც დამტკიცებულია სტანდარტიზაციის დეპარტამენტთან არსებული სტანდარტიზაციის კომიტეტში და ამ სტანდარტმა ტავის დროზე დადებითი როლი ითამაშა არაალტერნატიული შრიფტების ჩანაცვლებაში. ასეთი შრიფტების მაგალითებია geo_arial, geo_times და ა.შ.

უნიკოდ შრიფტებში ყველა ზემოთხსენებული პრობლემა არის აღმოფხვრილი, იგი რეკომენდირებულია ყველა იმ შემთხვევაში როდესაც ეს ტექნიკურად შესაძლებელია, დღეისათვის მაიკროსოფტის მიერ წარმოებული ყველა მასიური პროდუქტი უზრუნველყოფს უნიკოდ კოდირებით მუშაობას და უნიკოდ ფონტების გამოყენებას. უნიკოდის დღევანდელი ვერსია შეიცავს ქართულ ანბანს და ამიტომ ქართუილთან პრობლემები არ იქნება უნიკოდის გამოყენებისას. უნიკოდ შრიფტის მაგალითია Sylfaen .

თანამედროვე ბეჭდურ წიგნებსა და გამოცემებში ძირითადად მხედრულის საფუძველზე შექმნილი შრიფტებია გამოყენებული.ქართული დამწერლობის ასახვა კომპიუტერულ სისტემებში ქართული დამწერლობა კომპიუტერულ სისტემებში უნიფიცირებულია „უნიკოდი“-ს (Unicode) სტანდარტის მიხედვით, რომელშიც ასომთავრული, ნუსხური და მხედრული აღიარებულია დამოუკიდებელ ქართულ დამწერლობებად და სწორედ მათთვის და მხოლოდ მათთვის მისაკუთრებული ოთხნიშნა კოდები გააჩნიათ. დღეისათვის ყველაზე გავრცელებული ქართული კომპიუტერული შრიფტებია BPG, Sylfaen და სხვა. ტექსტი, რომელსაც ახლა თქვენ კითხულობთ, ერთ-ერთი ქართული კომპიუტერული შრიფტითაა შესრულებული.